VEXILLUM Inquisitionis

VEXILLUM Inquisitionis

seu S. Officii, ut vocant, Goae imaginem Dominici opere Phrygiô affabre effictam continet, manu unâ tenentem gladium, alterâ ramum olivae, additis verbis, Iustitia et Misericordia: In Hispania vero, crucem truncatam, inter gladium et ramum olivae itidem, constitutam, cum verbis, Exurge Domine et iudica causam tuam, Psalm 73. v. 22. Phil. a Limborch, Historiâ Inquisitionis, l. 4. c. 41. Rubeum utrumque damascenum. Atque Vexillum hoc in Actione Fidei uti vocant,

processionem praecedentibus, Monachis Dominicanis, praeferri solet. Aliud et simile Vexillum opere Phrygionicô itidem apprime laboratum, alterâ facie illius Papae, qui Inivisitionem concessit, stemmata cum ipsius nominis inscriptione, altera Regis Ferdinandi, qui illam in Hispaviam invexit primus, ostendens, In cuius summa cuspide infixa est argentea Crux deaurata magni pretii cum suo Crucifixo. Hoc in eadem pompa, mediô locô, incedens, praetensum ac explicatum gestat Fiscalis Inquisitorius, militari save fastu, ut qui iu ea paranda Victoria haud mediocrem Inquisitorio Tribunali operam navaverit. Sequuntur illum Patres fidei, incessu lentô et ad summam gravitatem compositô: Familiares Inquisitionis omnes equis insidentes, his succedunt: donec innumerabilis populi turba sine nomine et ordine agmen claudat. Phil. a Limborch, Histor. Inquisit, l. 4. c. 41.